Размер шрифта
Обычная версия

ҚАЗАҚСТАНДЫҚ БІЛІМ КӨЗДЕРІ

Мұғалімдер даңк кітабы
Математикалық портал
Академик Е.А. Бөкетов атындағы Қарағанды мемлекеттік университеті
Абай атындағы Қазақ ұлттық педагогикалық университеті
С.Сейфуллин атындағы Қазақ агротехникалық университеті

Интерактивтiк дауыс беру

Нәтижелер

Сіздің білім беру ұйымыңыздың интернетінің жылдамдығы Сізді қанағаттандырады ма?

 

Қазақстан Республикасының Білім және ғылым министрлігі   Жаналықтар

«Жас Ұлан»

05.12.2011

3 желтоқсан. Астана. Қазақстан Республикасы Тәуелсіздігінің 20 жылдығына орай Білім және ғылым вице-министрі М.Н. Сарыбеков, «Нұр Отан» халықтық демократиялық партиясының хатшысы Қайрат Сатыбалды, қала мектептерінің директорлары мен аймақтық балалар ұйымдары көшбасшылары, білім, ғылым, спорт саласындағы белгілі тұлғалар, өнер адамдары, мәдениет қайраткерлері, ардагер ұстаздардың қатысуымен «20 жұлдызды күн» шеңберінде 3 желтоқсан – «Жастар күні» Республикалық бірыңғай «Жас Ұлан» балалар мен жасөспірімдер ұйымы қатарына салтанатты қабылдау рәсімі өткізілді.

3 желтоқсан сағат 11.00-де Қазақстанның барлық өңірлерінде бір уақытта Республикалық бірыңғай «Жас Ұлан» балалар мен жасөспірімдер ұйымына 20 000 оқушы салтанатты түрде қабылданды. «Жас Ұланға» пәндік олимпиадалардың, ғылыми жобалардың, көркемөнер байқауларының, спорттық сайыстардың жеңімпаздары мен мектеп  белсенділері қабылданды.
Астана қаласында 2000 оқушы «Жас Ұлан» қатарына қабылданды.

М. Сарыбеков өз сөзінде аталмыш ұйымның мақсаты ұлттық және жалпы адамзаттық құндылықтарға сәйкес рухани дүниесі кең тұлғаны қалыптастыру, балалар мен жасөспірімдерді қазақстандық патриотизм рухында тәрбиелеу екендігін атап өтті.

 - 2011 жылдың 11 ақпанында өткен «Нұр Отан» ХДП XIII Съезінде Елбасы, «Нұр Отан» ХДП Төрағасы Н.Ә. Назарбаев Қазақстанның жас азаматтарының басын біріктіретін «Жас Ұлан» бірыңғай қозғалысы және «Жас Қыран» балалар ұйымдарының жаңа жүйесін құру керектігін атап өткен болатын.

Қазақстан Республикасы Тәуелсіздігінің 20 жылдық мерейтойы қарсаңында 2011 жылдың 6 шілдесінде «Елорда күніне» орайластырылып жастар ұйымдары көшбасшыларынан бастамашыл топ «Бірыңғай «Жас Ұлан» балалар мен жасөспірімдер ұйымы» Республикалық Қоғамдық Бірлестігін құрды, - деп,  Қайрат Сатыбалды шараның маңыздылығын айындай түсті.

 Салтанатты қабылдау рәсімінен кейін Жас көшбасшылар форумы өтті. Аталған форумда «Тәуелсіздіктің 20-жылдығына – 20 қайырымды іс» акциясының жеңімпаздары марапатталды. Мерекелік кеш оқушылардың концерттік бағдарламасымен жалғасты.

Шара ұйымдастырушылары – ҚР Білім және ғылым министрлігі, облыстық әкімдіктер, «Бірыңғай «Жас Ұлан» балалар мен жасөспірімдер ұйымы».

Ақтөбе («Достық үйі», Сәңкібай батыр даңғылы 20 а, Ақтөбе қаласы), Қызылорда (№264 мектеп-лицей, Қызылорда қаласы), Павлодар («Астана» мұз сарайы, Павлодар қаласы), Солтүстік Қазақстан облыстары (Қазақ мектеп-гимназиясы, Петропавл қаласы) және Алматы (Оқушылар сарайы, Достық даңғ.124), Астана қалаларында (М. Өтемісұлы атындағы оқушылар сарайы) өтетін шараларды ерекше атап өтуге болады.



↑ Наверх
Яндекс.Метрика